Almaniyanın baş naziri Angela Merkelin təyyarəsində texniki nasazlıq üzə çıxıb.
Nasazlıq təyyarənin Yerlə əlaqəsinə cavab verən bütün sistemlərə təsir edib. Bu xəbəri “Spiegel” jurnalı yayıb.

Məlumata əsasən, təyyarədə problem o qədər ciddi olub ki, bu barədə dərhal müdafiə naziri Ursula fon der Lyayen məlumatlandırılıb. Təyyarə Köln hava limanına endirilib və əraziyə yanğından mühafizə briqadaları cəlb edilib.

“Welt” qəzeti yazır ki, təyyarənin pilotu uçuşdan 20 dəqiqə sonra 7600 qəza kodu göndərib. Bu kod avia dispetçerlə əlaqənin itdiyini bildirir.
Qeyd edək ki, Angela Merkel Buenos-Ayresdə keçirilən “G 20” sammitinə uçurmuş.