Dünya iqtisadiyyatının 20 nəhəng dövlətinin lideri Buenos-Ayresə toplaşır.
Həftənin cümə və şənbə günü “G 20” sammiti keçiriləcək. Bu tədbir cari ilin sonuncu yüksək səviyyəli tədbiridir.
Sammitdə ticarət, rəqəmsal iqtisadiyyat, iqlim dəyişikliyi, gender bərabərliyi kimi mövzular müzakirə ediləcək. Bütün dünyanın diqqəti əsasən bir neçə mövzuya yönələcək: ABŞ və Çinin ticarət müharibəsindən çıxmağına cəhdləri, Camal Kaşıkçının qətlindən sonra Səudiyyə Ərəbistanının şahzadəsinin necə qarşılanması, Putin və Trampın görüşü.