fim.az

Dərbəndin azərbaycanlı icra başçısı yenə həbs olundu

12-04-2019, 09:30

Dərbəndin azərbaycanlı icra başçısı yenə həbs olundu















Dağıstanın Dərbənd rayonunun azərbaycanlı icra başçısı Məhəmməd Cəlilov iki sutkalıq həbs olunub.

“Qafqazinfo” “Kommersant”a istinadən xəbər verir ki, o artıq xüsusi reyslə Moskvaya aparılıb. Cəlilov Rusiya Federasiyasının Cinayət Məcəlləsinin 91-ci maddəsi üzrə ittiham olunur və 3 fakt üzrə şübhəli bilinir.

İstintaq materiallarına əsasən, Məhəmməd Cəlilov 2015-ci ildə vəzifə səlahiyyətlərindən sui-istifadə edərək “Qafqaz” federal yolunda yerləşən ümumi sahəsi 3 hektar olan üç torpaq sahəsini qanunsuz olaraq qohumlarına verib. Torpaqların bazar dəyəri isə ümumilikdə 20 milyon rubladək qiymətləndirilir.

Cəlilovun həm yaşadığı ünvanda, həm də Dərbənd rayonunun administrasiyasında axtarışlar aparılıb.

Xatırladaq ki, Cəliləv ötən ilin martında da vəzifə səlahiyyətlərindən sui-istifadə edərək torpaq sahələrinin qanunsuz mənimsənilməsi ittihamı ilə həbs olunub. 8 ay ev dustağı olan icra başçısının əməllərində cinayət tərkibi tapılmadığından ona qarşı ittihamlar aradan götürülüb və yenidən vəzifəsinə qayıdıb.


Mətndə səhv var? Onu siçanla seçin və Ctrl+Enter düyməsini basın. Oxunub: 337}
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
www.FIM.az
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Təsisçi: Elçin Mahmudov
Tel:055 252 72 22