Nigeriyanın Borno ştatında terrorçuların irimiqyaslı hücumu nəticəsində azı 20 dinc insan həlak olub. Onlarla yaralı var.
Qazet.az-ın məlumatına görə, “Boko Haram” terror qruplaşması tərəfindən həyata keçirilən hücum zamanı evlərə od vurulub. Yeniyetmə qızlar girov götürülüb.
Hücum zamanı ağır silahlardan və qumbaraatanlardan istifadə olunub. Bölgəyə hərbçilər cəlb edildikdən sonra terrorçular geri çəkilib. Girov götürülən şəxslərin azad olunması üçün hərbçilər əməliyyata başlayıb. redaktor.az