fim.az

“Heç kim Türkiyəni sanksiya ilə hədələyə bilməz”

24-07-2020, 13:35

“Heç kim Türkiyəni sanksiya ilə hədələyə bilməz”


"Heç kimin Türkiyəni sanksiyalarla təhdid etməyə haqqı yoxdur".

Bu sözləri Türkiyə Xarici İşlər Nazirliyinin mətbuat katibi Hami Aksoy deyib. O bildirib ki, Fransa Şərqi Aralıq dənizində baş verən hadisələrlə bağlı hər açıqlamadan sonra bitərəfliyini itirir.

"Fransa Şərqi Aralıq dənizindəki hadisələr kontekstində etdiyi hər açıqlaması və hər səhv addımı ilə neytral qalmaq və sabitliyə töhfə vermək şansını itirir. Prezident Makronun açıqlamaları ölkəmiz üçün əhəmiyyət kəsb etmir. Heç kimin Türkiyəni sanksiya dili ilə təhdid etmək hüququ yoxdur",-deyə Hami Aksoy bildirib.

Bundan əvvəl Fransa Prezidenti Emmanuel Makron Aİ-ni Şərq Aralıq dənizindəki su sərhədlərini pozan ölkələrə qarşı sanksiyalar tətbiq etməyə çağırmışdı. Kipr və Yunanıstanla həmrəy olduqlarını bildirən Makron Türkiyəni suverenliyini pozmaqda ittiham edib.


Mətndə səhv var? Onu siçanla seçin və Ctrl+Enter düyməsini basın. Oxunub: 326}
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
www.FIM.az
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Təsisçi: Elçin Mahmudov
Tel:055 252 72 22