fim.az

Kadırov Ərdoğana səsləndi: “… İmkan verməyin”

16-05-2022, 10:28

Kadırov  Ərdoğana səsləndi: “… İmkan verməyin”


Çeçenistan rəhbəri Ramzan Kadırov Türkiyənin Mariupoldakı “Azovstal” zavodundan Ukrayna hərbçilərini çıxarmaq planının yolverilməz olduğunu deyib.

“O, “Azov” alayını Donbas sakinlərinin qətlində günahkar olan faşist-nasist cinayətkar silahlı qruplaşması adlandırıb.

O deyib ki, həmin dəstə dinc əhalidən canlı qalxan kimi istifadə edərək Azovstalın zirzəmilərində saxlayırlar.

"Bu quldur təşkilatının Ukraynada və xaricdə üzvləri böyük İslam dəyərlərini təhqir edən və ümumilikdə İslam dinini ələ salan müntəzəm bəyanatları ilə tanınırlar", - Kadırov öz Telegram kanalında yazıb.

“Türkiyə Prezidenti Rəcəb Tayyib Ərdoğana müraciət edirəm, azovilər qatil ateistlərdir, onları indi sizə Rusiya təcavüzünün günahsız qurbanları kimi təqdim etmək istəyirlər. Məhkəmə və layiqli cəzadan yayınmaq üçün köməyinizdən istifadə etmək istəyən cinayətkarların sizi aldatmasına imkan verməyin", - Kadırov bildirib.

Bundan əvvəl Türkiyə “Azovstal” zavodundan yaralı ukraynalı əsgərləri çıxarmaq üçün gəmi göndərməyi təklif edib. Türkiyə Prezidentinin sözçüsü İbrahim Kalının sözlərinə görə, yaralı əsgərlər Berdyanska, oradan da Türkiyə gəmisi ilə İstanbula aparılmalı idi.


Mətndə səhv var? Onu siçanla seçin və Ctrl+Enter düyməsini basın. Oxunub: 149}
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
www.FIM.az
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Təsisçi: Elçin Mahmudov
Tel:055 252 72 22