fim.az

Kəramətlə müsahibədən sonra Damla xəstəxanaya düşdü – İLGİNC

13-08-2021, 10:27

Kəramətlə müsahibədən sonra Damla xəstəxanaya düşdü – İLGİNC


Xəbər verdiyimiz kimi yazıçı Kəramət Böyükçölün müğənni Damla ilə baş tutan müsahibəsi böyük səs-küyə səbəb olub.
Müsahibə zamanı dadsız olaylar yaşanıb. Belə ki, müğənni Kəramətin “Hansı alimləri tanıyırsınız?” sualını cavabsız qoyaraq verilişin dayandırılmasını istəyib.

Kəramət isə bu video müsahibəni yayımladıqdan sonra Damla onu internet resurslardan yığışdırmasını əmr edib. Müsahibənin alınma təfərrüatları və müğənninin son addımı haqda önun özü ilə əlaqə saxlamağa cəhd etdik.

Amma olan olmuşdu… Bizim.Media-nın zənginə müğənninin prodüsseri Şamil bəy cavab verdi və sualımızı eşitcək:

“Damla xanım xəstəxanaya yerləşdirilib və əməliyyata alınıb, sizə cavab verə bilməyəcək”.

Ürəyimiz düşməzmi? “Keçmiş olsun” deyib, sualımızı Şamil bəyə ünvanladıq.

Prodüsser bildirdi ki, Damla xanım Kəramətin dəfələrlə müraciətinə baxmayaraq bu müsahibəyə razılıq verməmişdi:

“Kəramət bizdən dəfələrlə xahiş etdi, biz də insandır deyib nəhayət razılaşdıq. Amma dedik ki, Damla xanımın ümumiyyətlə siyasətdən heç bir anlayışı yoxdur. Suallar sənətdən olsun. Kəramət ilk olaraq Flora xanım haqqında danışaraq, “O, müxalifət yoxdur, deyib mükafat aldı. Siz də deyin mükafat alın”- deyə, Damlaya məsləhət verməyə çalışdı. Qısası, loru dildə desək, Kəramət Damlanı “təkərə” salmaq istəyirdi. Lakin biz bundan sonra bir saat yarım davam edəcək müsahibəni yarıda saxladıq. Kəramət razılaşdığımız kimi müsahibəni aparmadı”.

Prodüser həmçinin qeyd etdi ki, Kəramət onları “tupoy” adlandırıb.

“O, bizə söz vermişdi ki, verilişi yayımlamayacaq. Lakin sözünə əməl etmədi və biz kanaldan onu sildirdik. Və buna görə dəfələrlə bizə zəng etdi və bizi “tupoy” adlandırdı. Kəramət bizim müəllif hüquqlarımızı pozub, icazəsiz verilişi yayımlayıb, bu cür davam etsə, məhkəmədə görüşəcəyimiz haqda xəbərdarlıq etmişik”.

Sonda Damlanın prodüsseri onu da qeyd etdi ki, Damla xanımın xəstəxanaya yerləşdirilməsi müsahibə ilə bağlı deyil. Müğənni sadəcə buxağına əl gəzdirmək istəyib.

RealMedia.az



Mətndə səhv var? Onu siçanla seçin və Ctrl+Enter düyməsini basın. Oxunub: 257}
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
www.FIM.az
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Təsisçi: Elçin Mahmudov
Tel:055 252 72 22