“Qara kassa” qalmaqalı - Abşeronda icra hakimiyyətinin himayəsi ilə qanunsuz evlər tikilir
Sosial şəbəkələrdə Abşeron rayon Hökməli-Qobu yolunun üstündə maklerlər tərəfindən inşa edilərək 100-ə yaxın həyət evi satışa çıxarılıb. Fim.az xəbər verir ki, inşa edilən 100-ə yaxın evin tikintisi barədə Dövlət Şəhərsalma və Arxektura Komitəsinin bazasında hər hansı bir məlumat yoxdur. Söhbət 100-ə yaxın həyət evindən gedir. İnşa edilən həyət evlərinin torpaq çıxarışının olduğu, ancaq tikinti üçün rəsmi icazələrinin olmadığı bildirilir. Məlumata görə Abşeron rayon İcra Hakimiyyəti ilə “anlaşan” maklerlər aidiyyatı qurumları heçə sayaraq qanunsuz işlərini rahat şəkildə həyata keçirirlər. Ərazidə tikinti aparan maklerlər onlara Abşeron icra başçısı Abdin Fərzəliyevin “qara kassası”Nurlan Həsənovun himayədarlıq etdiyini açıq şəkildə deyirlər. Görünür Abşeron rayonunda Dövlət Şəhərsalma və Arxektura Komitəsinin və FHN-nin Tikintidə Təhlükəsizliyə Nəzarət Dövlət Agentliyinin qanunsuz tikililər nəzarət mexanizmi işləmir. Adı çəkilən bu qurumlar sadəcə ayda bir dəfə Abşeron icra hakimiyyəti ilə birlikdə hansısa qanunsuz evi sökməklə gözə kül üfürürlər.
