fim.az

Professordan xəbərdarlıq: “Azərbaycanda donuz qripi yayıla bilər”

29-11-2023, 13:44

Professordan xəbərdarlıq: “Azərbaycanda donuz qripi yayıla bilər”


Böyük Britaniyada, Şimali Yorkşirdə ilk dəfə donuz qripinə yoluxma aşkar edilib. Bu barədə Britaniya Səhiyyə Təhlükəsizliyi Agentliyi (UKHSA) bildirib. Məlumatda qeyd olunub ki, virus aşkar edilən şəxsin donuzlarla heç bir təması olmayıb.

Maraqlıdır, bu virusun digər ölkələrə yayılma ehtimalı nə qədərdir? Azərbaycan üçün təhlükə ola bilərmi?

Professor Adil Qeybulla mövzu ilə bağlı Bizim.media-ya danışıb.

O qeyd edib ki, donuz qripinin ölkəmizə gəlmə ehtimalı var:

“Çünki Britaniya və Azərbaycan arasında mütəmadi gediş-gəliş mövcuddur, əlaqələrimiz çox genişdir. Xəstəliyin inkubasiya dövründə yoluxan şəxs Azərbaycana gəlib, yaya bilər. Bu virusla bağlı Səhiyyə Nazirliyi tərəfindən qrip vaksini gətirilib. Məsləhətdir ki, bu vaksini vurduraq.

Xüsusilə, koronavirusu ağır keçirənlər, yanaşı xəstəliyi olanlara bu peyvənd mütləq lazımdır. Çünki donuz qripinin gedişi də nisbətən ağırdır. Hesab edirəm ki, profilaktik tədbirlər indidən görülsə, yaxşı olar”.


Mətndə səhv var? Onu siçanla seçin və Ctrl+Enter düyməsini basın. Oxunub: 143}
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
www.FIM.az
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Təsisçi: Elçin Mahmudov
Tel:070 511 44 00