“Çelsi”nin əfsanəsi olmaq istəyirəm” — Hazard
İngiltərənin “Çelsi” klubunun futbolçusu Eden Hazard London klubunun əfsanəsi olmaq istəyir.
Xarici KİV-ə istinadən xəbər verir ki, bu barədə futbolçu “Uotford”la matçdan sonra deyib:
“Bu qolu heç vaxt unutmayacağam. Amma biz hamımız daha artığını istəyirik. Qalib gələndə oyundan həzz alırıq. Mən “Çelsi”də mümkün qədər çox qol vurmaq istəyirəm. Lempard, Terri, Droqba kimi klubun əfsanəsi olmağa çalışacam. Bunun üçün bütün gücümlə hazırlaşıram”.
Qeyd edək ki, Hazardla “Real”ın maraqlandığı iddia olunur. Ancaq belçikalı yarımmüdafiəçi son açıqlaması ilə"Çelsi"də qalmaq istədiyini bildirib.