» » Azərbaycan taekvondoçusu ardıcıl ikinci dəfə dünya çempionu titulunu qazanıb

Azərbaycan taekvondoçusu ardıcıl ikinci dəfə dünya çempionu titulunu qazanıb

  • 20-05-2019, 10:17
  • idman
  • 18
Azərbaycan taekvondoçusu ardıcıl ikinci dəfə dünya çempionu titulunu qazanıb



Azərbaycan taekvondoçusu Milad Beiqi Harçeqani növbəti dəfə dünya çempionu titulunu qazanıb.

80 kq çəki dərəcəsində mübarizə aparan idmançımız Mançesterdə keçirilən mundialda bütün rəqiblərini məğlub edib.

Bir gün öncə dayanq üzərinə çıxan Milad Beiqi Harçeqani finaladək ardıcıl olaraq, kubalı Xose Komasa (17:4), fransalı İsmael Bouzid Souhiliyə (19:4), moldovalı Aaron Kuka (40:26) və cənubi koreyalı Vu Hyeok Parka (37:20) qalib gəlib.

O, bu gün baş tutan finalda Apostolos Telikostooğlu (Yunanıstan) ilə döyüşüb. Olimpiya mükafatçımız rəqibinə şans verməyərək, ardıcıl ikinci dəfə dünya çempionatı qızıl medalla bitirib. Taekvondoçumuz rəqibinə 22:12 hesabı ilə qalib gəlib.

Qeyd edək ki, daha öncə Fəridə Əzizova (67 kq) yığmamıza bürünc medal qazandırıb. Mundiala isə bu gün yekun vurulacaq.
Oxşar xəbərlər
«    İyun 2019    »
BeÇaÇCaCŞB
 12
3456789
10111213141516
17181920212223
24252627282930
Mədəniyyət