fim.az

Messinin tənqidinə Braziliyadan cavab: “Özünə hörmət et!”

9-07-2019, 09:30

Messinin tənqidinə Braziliyadan cavab: “Özünə hörmət et!”

Braziliya millisinin baş məşqçisi Tite Argentina seçməsinin kapitanı Lionel Messini tənqid edib.
Qol.az-ın yaydığı xəbərə görə, 32 yaşlı superulduzun Amerika kubokunda Çili ilə 3-cülük oyunundan sonra hakimliklə bağlı səsləndirdiyi fikirlərə münasibət bildirən mütəxəssis Braziliyanın təmiz qələbə qazandığını söyləyib:

“Unikal və yadplanetli hesab etdiyim oyunçu özünə hörmət etməli və məğlubiyyəti qəbul etməlidir. Biz də bir neçə matçda hakimlikdən əziyyət çəkdik. Argentinaya qarşı təmiz oynadıq. Mən son dərəcə açıqsözlü insanam. Messi şöhrətinə görə güclü təzyiq altındadır. Meydandan qovulması ədalətsizlik idi. Çünki orada günahkar Medel idi. Messiyə ən pis halda sarı vərəqə göstərilməliydi”.

Çili ilə matçın 37-ci dəqiqəsində meydandan qovulan Messi oyundan sonra hakimləri tənqid etmiş və Argentinanın rüşvətə görə finala çıxa bilmədiyini demişdi. O, hakimlərin Braziliyaya kömək etdiyini söyləmişdi.

Qeyd edək ki, Argentina yarımfinalda Braziliyaya 0:2 hesabı ilə uduzmuşdu.


Mətndə səhv var? Onu siçanla seçin və Ctrl+Enter düyməsini basın. Oxunub: 377}
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
www.FIM.az
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Təsisçi: Elçin Mahmudov
Tel:055 252 72 22