fim.az

UEFA-dan azərbaycanlı hakimlərə yeni təyinat

10-10-2019, 10:03

UEFA-dan azərbaycanlı hakimlərə yeni təyinat

FIFA referisi Əliyar Ağayev növbəti dəfə Avro-2020-in seçmə mərhələsinin oyununa təyinat alıb.

“Qafqazinfo” xəbər verir ki, o, Farer adalarının öz meydanında Rumıniya ilə qarşılaşacağı matçı idarə edəcək. Ona Zeynal Zeynalov və Akif Əmirəli kömək edəcək. Matçın dördüncü hakimi funksiyasını Rəhim Həsənov yerinə yetirəcək.

F qrupunda keçiriləcək Farer adaları – Rumıniya matçı oktyabrın 12-də olacaq.

Digər FİFA referimiz Rauf Cabbarov isə 21 yaşadək futbolçulardan ibarət milli komandaların Avropa çempionatının oyununa təyinat alıb. O, Estoniya və Latviya yığmaları arasında keçiriləcək görüşün baş hakimi olacaq. Cabbarova Namiq Hüseynov və Rza Məmmədov kömək edəcək. Dördüncü hakim funksiyasını isə Elçin Məsiyev yerinə yetirəcək.

Estoniya – Latviya matçı oktyabrın 11-də keçiriləcək.


Mətndə səhv var? Onu siçanla seçin və Ctrl+Enter düyməsini basın. Oxunub: 339}
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
www.FIM.az
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Təsisçi: Elçin Mahmudov
Tel:055 252 72 22