fim.az

Yasamalda beş küçənin təmiri yekunlaşıb

8-04-2019, 13:28

Yasamalda beş küçənin təmiri yekunlaşıb














Azərbaycan Avtomobil Yolları Dövlət Agentliyi (AAYDA) bu ilin əvvəlindən Yasamal rayonu üzrə start verilən təmir-tikinti işləri çərçivəsində artıq 5,3 km uzunluğa malik 5 küçənin 85 min kv.m-dən çox sahəsində təmir-tikinti işlərini yekunlaşdırıb.

Agentlikdən verilən xəbər görə, bunlar, hər birinin uzunluğu 1,6 km olan Məhəmməd Xiyabani və Əsəd Əhmədov küçələri, sözügedən küçələri birləşdirən 0,4 km uzunluğa malik “A Keçidi” küçəsi, 1 km-lik “7-ci Alatava” küçəsi və 0,7 km uzunluğunda Şəfayət Mehdiyev küçəsidir.

Sadalanan küçə və yollarboyu zəruri yerlərdə deformasiyaya uğramış yararsız qrunt qazılıb çıxarılıb, əks dolğu işləri aparılmaqla kipləşdirmə işləri görülüb, küçələr profilə salınıb, zəruri yerlərdə optimal qum-çınqıl qarışığından yol əsası işlənilib və bunun ardınca asfaltlanma işləri aparılıb, yeraltı kommunikasiya xətlərinin baxış qapaqları layihə hündürlüyünə qaldırılıb.

İşlərin yekunlaşması ardıcıllığına uyğun olaraq Yasamal rayonu üzrə digər küçə və yollarda işlərin davam etdirilməsi nəzərdə tutulur. Belə ki, yaxın müddət ərzində 12 km-dən artıq uzunluğa malik 5 küçənin təqribən 80 min kv.m sahəsində təmir-tikinti işlərinə start veriləcək.

Misal olaraq 1,6 km uzunluğa malik Şamil Əzizbəyov, 1,4 km-lik “1-ci Alatava”, 7 km-lik “2-ci Alatava”, 1,6 km uzunluğunda olan Ümid Əkbərov küçələrini, həmçinin Şəfayət Mehdiyev küçəsinin Landau və Ə. Haqverdiyev küçələri arasında yeləşən 0,8 km-lik hissəsini göstərmək olar ki, yaxın müddətdə bu və digər küçə və yollarda da təmir-tikinti işləri davam etdiriləcək.

Bu yollar vətəndaşların əsas istifadə etdiyi yollar olduğu üçün təmir-bərpa işlərinin aparılması gediş-gəlişin rahatlaşmasına, sərnişindaşımanın daha da asanlaşmasına gətirib çıxaracaq.


Mətndə səhv var? Onu siçanla seçin və Ctrl+Enter düyməsini basın. Oxunub: 91}
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
www.FIM.az
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Təsisçi: Elçin Mahmudov
Tel: (+99455) 252 72 22