fim.az

Neft qiymətlərində 2020-ci ilin yarısından bəri ən yüksək ARTIM

18-03-2022, 10:38

Neft qiymətlərində 2020-ci ilin yarısından bəri ən yüksək ARTIM


Rusiya və Ukrayna arasında sülh danışıqlarında kiçik irəliləyişin daha sərt sanksiyalar və neft tədarükünün uzun müddət kəsilməsi ehtimalını artırmasından sonra neft sürətlə bahalaşıb.

“Brent” markalı neft fyuçersləri cümə axşamı günü 2020-ci ilin ortalarından bəri ən böyük faiz artımı ilə 9% artdıqdan sonra yenidən 2,75 dollar və ya 2,6% artaraq 1 barel üçün 109,39 dollara çatıb.

ABŞ-ın Qərbi Texas (WTI) xam neftinin fyuçersləri isə 2,93 dollar və ya 2,9% artaraq 105,91 dollar/barelə çatıb.

Qeyd edək ki, Rusiya və Ukrayna danışıqlarının dördüncü günü videobağlantı vasitəsilə baş tutub, lakin Kreml razılığın hələ əldə edilmədiyini bildirib.

Xatırladaq ki, neft qiymətləri iki həftə öncə 14 ilin ən yüksək həddinə çatdıqdan sonra aşağı enməyə başlamışdı.


Mətndə səhv var? Onu siçanla seçin və Ctrl+Enter düyməsini basın. Oxunub: 212}
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
www.FIM.az
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Təsisçi: Elçin Mahmudov
Tel:055 252 72 22