Bu gün deputatlar toplaşır
Bu gün Milli Məclisin növbəti plenar iclası keçiriləcək.
İclasda 27 məsələyə baxılacaq.
Deputatlar bu gün Əmək Məcəlləsinə, Cəzaların İcrası Məcəlləsinə, İnzibati Xətalar Məcəlləsinə, Cinayət Məcəlləsinə, "Əmanətlərin tam sığortalanması haqqında", "Azərbaycan Respublikasında dövlət dili haqqında", "Reklam haqqında", "Hərbi vəzifə və hərbi xidmət haqqında" və bir sıra digər qanunlara əlavə və dəyişiklikləri müzakirə edəcəklər.
Qeyd edək ki, iclasda əvvəlcə Milli Məclisin Gənclər və idman komitəsinin tərkibində dəyişikliklər edilməsi haqqında məsələyə baxılacaq.