Prezident İlham Əliyevin təklifi ilə davamlı sülhü təmin etmək məqsədi ilə “3+3” formatında Cənubi Qafqazla bağlı əməkdaşlıq planlaşdırılır.
Bunu Türkiyənin xarici işlər naziri Mövlud Çavuşoğlu iranlı həmkarı Cavad Zəriflə birgə mətbuat konfransında deyib.
Mövlud Çavuşoğlu bildirib ki, Cənubi Qafqazda atəşkəsin, sülhün və sabitliyin davamlı olması məqsədi ilə Azərbaycan Prezidenti İlham Əliyevin təklifi və Rusiya və Türkiyə prezidentlərinin dəstəyi ilə “3+3” formatında Cənubi Qafqazla bağlı əməkdaşlıq planlaşdırılır. ““3+3” formatı ilə Cənubi Qafqazda sülhü davamlı hala gətirmək istəyirik. Sadəcə istəmək kifayət etmir, töhfə vermək lazımdır”- Mövlud Çavuşoğlu bildirib.