fim.az

“Qiymətlər daha da arta bilər” – Azərbaycanda bu telefonlar bahalaşdı

7-02-2020, 15:27

“Qiymətlər daha da arta bilər” – Azərbaycanda bu telefonlar bahalaşdı


“Azərbaycanda Çin istehsalı olan smartfonların qiymətlərində təxminən 5%-dək artım müşahidə olunur və bazarda bu məhsulun ehtiyatı tükəndikcə qiymətlər daha da arta bilər”.

Bunu “APA-Economics”ə “MiMobile” şirkətinin İdarə Heyətinin üzvü Cümşüd Əliyev deyib.

Onun sözlərinə görə, hazırda bazarda qiymətlərin artması daha çox spekulyativ xarakter daşıyır: “Tələbin stabil qalaraq, təklifin isə azalması səbəbindən bazar iştirakçılarının əksəriyyəti bu fürsətdən istifadə edib, qiymətləri qaldırılar. Bu hal, hələ ki, pərakəndə qiymətlərə təsir etməsə də, topdansatış qiymətlərdə müşahidə olunur. Koronavirusun yayılması səbəbindən Çində zavodlar yanvar ayından istehsalı dayandırıb, tətilə çıxıblar. Onların işləri fevralın 20-dən sonra bərpa olunacağı gözlənilir. O vaxtadək və boş anbarlar sifarişləri alanadək məhsul təchizatında qıtlıq yaranacaq”.

Şirkətin İdarə Heyətinin üzvü əlavə edib ki, istehsalçılar işləmədikləri müddətdə dəyən ziyanı məhsulun qiymətinə əlavə edəcəklər. Bu isə o deməkdir ki, gələcəkdə həm komponentlərin, həm də hazır məhsulun qiymətində artım ola bilər.

“Hazırda yerli idxalçılar alternativ variantlar axtarır və artıq ölkəyə Hindistanda istehsal olunan məhsullar gətirilir. Bunlar xüsusilə “Xiaomi”nin Hindistandakı zavodlarında istehsal olunan smartfonlardır. Bu cihazlar keyfiyyət baxımından digər zavodlarda istehsal olunan məhsullardan geri qalır. Alıcılar buna diqqət yetirməlidir”, – deyə C. Əliyev bildirib. /Yeni Sabah/


Mətndə səhv var? Onu siçanla seçin və Ctrl+Enter düyməsini basın. Oxunub: 261}
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
www.FIM.az
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Təsisçi: Elçin Mahmudov
Tel:055 252 72 22