fim.az

Təranə Qumral 4 min manat cərimə edildi — MƏHKƏMƏ

2-11-2018, 13:38

Təranə Qumral 4 min manat cərimə edildi — MƏHKƏMƏ















Bakı Apellyasiya Məhkəməsində müğənni Təranə Qumral barəsində cinayət işi üzrə məhkəmə hökmündən verilən apellyasiya şikayəti üzrə məhkəmə başa çatıb.
Hakim Rizvan Səfərovun sədrliyi ilə keçirilən prosesdə qərar elan edilib.

Qərara görə, Təranə Qumralın apellyasiya şikayəti təmin edilməyib.

Qeyd edək ki, Nərimanov Rayon Məhkəməsinin hökmü ilə Təranə Qumral dörd min manat məbləğində cərimə edilib.

Müğənni Təranə Qumralla həmkarı Nazənin Salayeva arasında qalmaqal ANS-in “Bazar səhəri” verilişində başlayıb.

Nazənin Salayeva canlı efirə zəng edib və Təranə Qumrala “Səni ərimlə tutdum” deyib.
Təranə Qumral isə öz növbəsində Nazənin Salayevanın barəsində xoş olmayan ifadələr işlədib.

Buna görə də Nazənin məhkəməyə müraciət edib.

Nazənin məhkəmədə həyat yoldaşının Təranə Qumralla intim münasibəti olduğunu sübut edib.

Təranə Qumralın Nazənin Salayeva və onun həyat yoldaşı Məhəbbət Həsənovdan üzr istəməsi, dediklərinə təkzib verməsi barədə qərar verilib.

Lakin Təranə Qumral məhkəmə qərarını icra etmədiyi üçün barəsində Cinayət Məcəlləsinin 306.1-ci (məhkəmə qərarını icra etməmə) maddəsi ilə cinayət işi başlanıb.


Mətndə səhv var? Onu siçanla seçin və Ctrl+Enter düyməsini basın. Oxunub: 163}
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
www.FIM.az
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Təsisçi: Elçin Mahmudov
Tel: (+99455) 252 72 22