Alimlər kosmosda ilk dəfə radioaktiv molekul kəşf etdilər
Alimlər kosmosda radioaktiv molekulların izinə rast gəldilər.
Kəşf iki ulduzun toqquşması nəticəsində yaranan qeyri-adi ulduzun müşahidəsi zamanı tapılıb. Nəticələr “Nature Astronomy” jurnalında dərc edilib.
Harvard universitetinin alimi Tomaş Kaminski məsələ ilə bağlı deyib:
“Biz 300 il əvvəl hissələrə ayrılmış ulduzun daxili hissəsini analiz etdik. Burada alüminium izotopunun ən nadir atom mənbələrindən birini kəşf etdik. “Alüminium-26”nın kəşfi Qalaktikamızın kimyəvi evolyusiyasını anlamağa kömək edəcək”.
Böyük Partlayışdan sonra Kainatda üç element-hidrogen, helium və litium elementləri olub. Amma 300 milyon il sonra ilk ulduzlar yarananda daha ağır elementlər də yaranmağa başlayıb. Alimlər ehtimal edirlər ki, qızıl, uran kimi dəmirdən ağır olan bütün elementlər yeni ulduzların partlaması nəticəsində yaranıb.