Almaniyanın Bild qəzeti Türkiyə-Yunanıstan əlaqələrinin normallaşması ilə bağlı yazır ki, "fəlakət hər şeyi dəyişdi".

Nəşrə görə, fevral zəlzələlərindən sonra Türkiyə ilə Yunanıstan arasında münasibətlərin qəfil yaxşılaşması indi Vilnüsdəki görüş zamanı iki ölkə liderləri tərəfindən rəsmən “imzalanır”.

"Bu yeni dövr təkcə iki ölkəni deyil, bütün Avropanı əhatə edir. İkitərəfli münasibətlərin müsbət inkişafı həm də miqrasiya böhranının həllinə öz töhfəsini verir. Ümumi cəbhə yaradılacaq və hər iki ölkə vəziyyətlə necə davranacağını müzakirə edə biləcək. Aİ Şurasının Şərqi Aralıq dənizi üçün təklif etdiyi çoxtərəfli dialoq indi işləyəcək. Təkcə Türkiyə üçün deyil, Livan və digər ölkələr üçün də”, – “Bild” yazır.