Ermənistanın müxalif “Güclü Ermənistan” partiyasının lideri, tanınmış iş adamı Samvel Karapetyanın ev dustaqlığı müddəti daha 3 ay uzadılıb.
Bu barədə “Armenpress” agentliyinə partiyanın mətbuat katibi Marianna Qahramanyan məlumat verib.
Qeyd edək ki, bu gün İrəvanda Korrupsiyaya Qarşı Mübarizə Məhkəməsində Karapetyanın işi üzrə növbəti iclas keçirilib. Prokurorluq onun ev dustaqlığı müddətinin artırılmasını tələb edib, müdafiə tərəfi isə iyun ayında keçiriləcək parlament seçkiləri ərəfəsində siyasətçinin sərbəst buraxılması üçün vəsatət qaldırıb. Lakin hakim prokurorluğun tələbini təmin edərək, ev dustaqlığı müddətinin 3 ay uzadılmasına qərar verib.
Xatırladaq ki, “Taşir” şirkətlər qrupunun sahibi olan Samvel Karapetyan 2025-ci ilin iyunundan bəri həbsdədir. O, konstitusiya quruluşunu devirməyə çağırış və iqtisadi cinayətlərdə ittiham olunur.(qafqazinfo)
