"Pakistan Prezidentinin Laçına səfəri dünyada böyük maraq oyadıb".
Bu sözləri beynəlxalq münasibətlər üzrə ekspert Əziz Əlibəyli qeyd edib. Şahbaz Şərifin bir nüvə dövlətinin rəhbəri olan və Laçın aeroportuna enən ilk xarici lider olduğunu xatırladan ekspert bir sıra nüanslara diqqət çəkib:
“Hindistan mediası iddia edir ki, bu görüş çərçivəsində Azərbaycan və Pakistan böyük hərbi müqavilə bağlamaq üçün razılıq əldə ediblər. Söhbət inkişaf etmiş 50 ədəd qırıcıdan gedir. Hansi ki bu günlərdə Hindistana qarşı müharibədə hava hakimiyyəti Pakistana keçdi.
Pakistan, Türkiyə və Azərbaycan ticarət və müdafiə əlaqələrini gücləndirmək barədə razılığa gəliblər.
Ərdoğan Şahbazı (Şərif) əsl qardaşı adlandırıb.
İlham Əliyev Pakistana 2 milyard dollarlıq sərmayə qoyulacağını elan edib və 2020-ci il müharibəsində göstərdiyi dəstəyə görə Pakistan xalqına təşəkkürünü bildirib”.
Ə.Əlibəyli adı çəkilən 3 ölkənin ittifaq məsələsinə də toxunub:
“Ture İnsider” iddia edir ki, Laçında ölkə rəhbərinin yaxın vaxtlarda üçtərəfli hərbi ittifaq qurulması barədə razılığa gəlmələri halı baş verib. Üçlü hərbi ittifaq çox iddialı səslənir.
Laçın görüşü üçlü əməkdaşlığın qalibiyyət bəhrəsi kimi elan edilir və yola da artıq bu zəfərlə çıxılır.
Ərdoğan bildirib ki, artıq “bir millət üç dövlət” demək vaxtıdır.
Anlaşmalar gərəyi “Qarabağdan Kəşmirə qədər səmalar bizimdir” prinsipi işə düşüb. 28 may günü baş verənlərin mahiyyəti bir ölkə üçün ayrıca bir mərhələ təşkil edir”.
Ekspert üçtərəfli ittifaqın dövlətləri öz regionunda daha da gücləndirəcəyini söyləyib:
“Bəllidir ki, Pakistan 20 milyard dollar dəyərində xarici borcu bu il ödəməlidir. Azərbaycan isə bu ölkəyə investisiya qoymaqla dar günündə dəstək olacaq. Əvəzində isə hərbi müdafiə sənayesi daha da modernləşməlidir.
Maraqlıdır ki, Pakistanın Azərbaycan-Türkiyə ittifaqına inteqrasiyası Banqladeşi həyəcanlandırıb və rəsmi olaraq bizim ansambla qoşulmağa müraciət etmək istəyirlər.
Pakistan Baş nazirinin Qarabağa səfərinin alternativi kimi Azərbaycan bu ölkəyə ayırdığı 2 milyard dollarlıq kreditlə Cənubi Asiyada güclənməyə ilkin bir addım atdı. Bu əlaqələr Azərbaycanı Qafqazda, Pakistanı isə Güney Asiyada gücünü daha da artıracaq.
Hindistana dair bir mənbə blef yazaraq açıqladı ki, Ermənistana 4 milyard dollar yardım edəcəklər. Hindistan dərhal açıqladı ki, sabah Pəncab, Qucarat və Racastanda hərbi təlimlərə başlayacaq”.
