“Çukur” serialında “Heyecanı yok” adlı mahnını oxuyan və Gazapizm adı ilə tanınan repçi Anıl Murat Acar saxlanılıb.
Polislər repçini narkotik maddə istifadəçisi olduğu və üzərindən narkotik maddə sayılan kokain çıxdığı üçün saxlayıblar.
İddiaya görə, Çeşmə rayonu narkotik maddələrlə mübarizə idarəsi və polis şübhəli hərəkətlər sərgiləyən repçini saxlayıb. Onun üzərində aparılan axtarış zamanı 0.73 qram narkotik maddə sayılan kokain ələ keçirilib. Repçini polisə aparıblar və ifadəsini aldıqdan sonra sərbəst buraxıblar.