Türkiyənin logistik super güc olmaq üçün qarşısında aydın yolu var.

"Sabah" xəbər verir ki, bunu Prezident Rəcəb Tayyib Ərdoğan deyib.

“Türkiyə 2053-cü il üçün vizyonumuzun bir hissəsi olaraq qlobal logistika super dövləti olmağı hədəfləyir”- Ərdoğan qeyd edib.

Onun sözlərinə görə, Türkiyənin məqsədi logistik Londondan Pekinə, Sibirdən Cənubi Afrikaya qədər coğrafi məkanda super güc olmaqdır.

"Biz dəmir yolu şəbəkəmizi 10 959 kilometrdən 13 022 kilometrə qədər genişləndirdik", deyən Ərdoğan əlavə edib ki, məqsəd 2053-cü ilə qədər bu rəqəmi 28 590 kilometrə çatdırmaqdır.