Seksual xarakterli cinayətlərdə ittiham olunan milyarder Ceffri Epşteynlə Bill Qeyts arasında keçdiyi deyilən yazışmalar qəzəb doğurub.
Xarici KİV xəbər verir ki, ABŞ-də ictimaiyyətə açıqlanan Ceffri Epşteyn sənədlərində Bill Qeytsin adının çəkilməsi yeni bir müzakirəyə səbəb olub.
2011-ci ildə göndərilən bir elektron poçtda Epşteynin Bill Qeytsdən "Kasıb insanları necə aradan qaldırırıq?" deyə soruşduğu bildirilir.
Lakin beynəlxalq mətbuatdakı təhlillər bu ifadənin təsdiqlənmiş siyasəti və ya planı əks etdirmədiyini, kontekstinin aydın olmadığını və Epşteynin yaratdığı layihə mətnlərindən biri ola biləcəyini vurğulayır.
Bill Qeyts əvvəllər 2011-ci ildə Epşteynlə bir neçə dəfə görüşdüyünü etiraf etmiş və bu əlaqələri "böyük səhv" adlandırmışdı. Qeyts görüşləri müdafiə edərək, onların qlobal səhiyyə və xeyriyyə layihələri ilə əlaqəli olduğunu iddia etmiş və Epşteynlə münasibətlərinin "hər dəqiqəsi" üçün təəssüfünü bildirmişdi.
Qeyts Fondu və Qeytsin sözçüləri də iddiaları təkzib edərək, sızdırılan bəzi mətnlərin həqiqi elektron poçt yazışmalarını əks etdirmədiyini və Epşteynin özü tərəfindən yaradılan qaralamalar ola biləcəyini bildiriblər.
