ABŞ ordusu Hörmüz boğazı yaxınlığındakı İran raket bazalarına qarşı bir neçə dəfə super ağır mərmilərlə zərbələr endirib.
ABŞ Mərkəzi Komandanlığının açıqlaması xəbər verir ki, məqsəd İranın Hörmüz boğazından keçən gəmilərə zərbələr endirmək imkanlarını məhv etməkdir: "Bir neçə saat əvvəl ABŞ qüvvələri Hörmüz boğazı yaxınlığındakı İran sahillərində möhkəmləndirilmiş İran raket bazalarına qarşı çoxsaylı 5000 funtluq (2,2 ton – red.) yüksək nüfuzetmə qabiliyyətli mərmilərlə uğurlu zərbələr endiriblər".
ABŞ ordusunun məlumatına görə, bölgədəki İran raketləri beynəlxalq gəmiçilik üçün təhlükə yaradır.
