fim.az

Türkiyə ordusu 33 şəhid verdi - Yenilənib

28-02-2020, 09:00

Türkiyə ordusu 33 şəhid verdi - Yenilənib


Suriyanın İdlib şəhərində Əsəd rejimi qüvvələri Türkiyə Silahlı Qüvvələrinin əsgərlərinə hücum edib.

“Qafqazinfo” Türkiyə mediasına istinadən xəbər verir ki, hücum nəticəsində Türkiyənin 9 əsgəri şəhid olub. Bu barədə Hatay valisi Rahmi Doğan açıqlama yayıb.

Onun sözlərinə görə, xeyli sayda ağır yaralılar var. Yaralılar Cilvegözü sərhəd qapısından Türkiyəyə gətirilib və xəstəxanalara yerləşdiriliblər:

"Şəhidlərimizə Allahdan rəhmət, yaralılara şəfa diləyirəm. Millətimizin başı sağ olsun. İctimaiyyəti məlumatlandırmağa davam edəcəyik.

Xəstəxanalarda bütün tədbirlər görülüb, tibbi heyətin hamısı iş başındadır. İnsanların xəstəxanaların ətrafına toplaşmamasını xahiş edirəm”.

***

İdlibdə Türkiyə Silahlı Qüvvələrinin şəhid sayı artıb. Hatay valisi Rahmi Doğan "Anadolu Agentliyi"nə 22 türk əsgərinin şəhid olduğunu açıqlayıb.

**

İdlibdə Türkiyə Silahlı Qüvvələrinin şəhid sayı 29 nəfərə çatıb. Bunu Hatay valisi Rahmi Doğan açıqlayıb.

Onun sözlərinə görə, yaralanan 36 hərbçinin müalicəsi davam edir.

**

İdlibdə Türkiyə Silahlı Qüvvələrinin şəhid sayı növbəti dəfə artıb. Hatay valisi Rahmi Doğan indiyədək 33 türk əsgərinin şəhid olduğunu açıqlayıb.


Mətndə səhv var? Onu siçanla seçin və Ctrl+Enter düyməsini basın. Oxunub: 30}
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
www.FIM.az
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Təsisçi: Elçin Mahmudov
Tel: (+99455) 252 72 22